Cette page n’a pas encore été corrigée
pe ne fust venu dire que c’estoit assez devisé, et qu’il faloit faire collation. Carmelin lui donna mille loüanges en soi-mesme pour son profitable avis, et les hamadryades tirerent de leurs paniers force bonnes choses qu’elles avoient aportées, et les estallerent sur l’herbe verte qui servoit de nappe. Le dieu Morin s’approcha de Synope, et sans que Lysis s’en aperceust lui dit quelque chose à l’oreille. Au mesme instant Carmelin receut des mains de son maistre une aisle de poulet d’Inde froid qu’il deschiroit desja avec ses doigts, sçachant que les mains ont esté faites devant les cousteaux : mais comme il en pensoit porter un morceau à sa bouche, Sinope luy retint le bras. Tout beau, berger, luy dit-elle, il ne vous est pas encore
