Cette page n’a pas encore été corrigée
spee, coupa de meschantes jartieres dont on l’avoit lié. Quand il fut rhabillé, il conta ce qui luy estoit avenu, dequoy chacun s’estonna fort : car l’on ne tenoit pas les nymphes pour si mauvaises comme il les faisoit. Mais Lysis interrompant son discours, luy vint dire, ne te fasche point, le mal est passé, et en recompense je m’en vay te bien donner de la joye. Apren une chose que je n’avois pas encore songé à te dire ; je ne suis plus arbre, je suis le berger Lysis. Mon ennuy m’a aussi empesché de m’en informer, repartit Carmelin, toutefois je me doutois quasi de vostre changement de nature. Bontemps vienne : oublions le passé puis que vous le voulez : mais sur tout qu’on ne me parle plus
