dont il luy avoit parlé, lequel n’estoit que pour les propos familiers. Il luy composa donc un beau compliment, et le luy ayant donné, luy commanda de l’aprendre par cœur. Je le sçauray bien tost, luy respondit-il, apres l’avoir veu, car je l’ay leu autre-fois dans un certain livre. Il n’en est pas pire, repliqua Lysis, des novices en amour comme toy, doivent suivre les livres de poinct en point. Voyons si tu as une si belle memoire. Il n’y a que trois periodes ; dy moy la premiere par cœur, et t’imagine de parler à ta maistresse. Alors Carmelin sans faire aucune ceremonie, commença ainsi de parler. Belle bergere, puis qu’un bien heureux sort m’a icy amené, et que vos yeux semblent ne me vouloir blesser qu’avec des coups delectables, il faut que je
