Cette page n’a pas encore été corrigée
aux paroles, il oublioit les actions ; tellement que Lysis voyant qu’il perdoit sa peine, luy dit qu’il fit un compliment à sa fantaisie à sa maistresse, et qu’il n’y avoit que de la peine à perdre, quand l’on luy monstroit quelque chose. Anselme qui estoit dans la salle, avoit escouté une partie de leurs dialogues, à la porte de la chambre, ce qui luy donnoit bien du plaisir. Enfin il entra comme Lysis disoit à Carmelin qu’il s’estonnoit comment il avoit pû retenir les discours qu’il sçavoit sur differens sujects, veu qu’il avoit tant de peine à se mettre dans l’esprit sept ou huict paroles fort vulgaires. Je n’ay apris ce que je sçay que par grand travail, repartit Carmelin, et je ne vous cele point
