Cette page n’a pas encore été corrigée
p230
faire, et comment il regleroit sa course. Je voulus monter en haut, pour sçavoir qui estoit celuy qui avoit parlé, et j’aperceus ce brave Carmelin que voicy. Il aydoit au libraire à composer un almanach. Je vous laisse à penser s’il devoit estre bien fait, puis qu’il estoit de leur invention, et que les predictions venoient de leur cervelle. Je ne nie point que je n’aye demeuré avec ce libraire, ne sçachant que devenir, repartit Carmelin, mais il faut que vous sçachiez qu’il a bien fait sa fortune avec ses almanachs, et que l’on ne s’en doit pas moquer. Quand il se maria il estoit si pauvre que le curé estant venu pour benistre son lict n’en treuva point dans sa chambre. La femme luy dit, arrosez ce
