Cette page n’a pas encore été corrigée
maistre fut bien fasché de se voir couché avec son valet. Ce n’estoit pas qu’il le mesprisast, c’estoit qu’il avoit accoustumé de coucher tout seul pour gambiller à son aise, et se tourner d’un costé et d’autre pendant ses resveries. La nuict passee il avoit esté dans un lict à part chez Clarimond, dequoy il avoit eu bon besoin, apres avoir veillé trois nuicts. Il passa encore celle cy à dormir avec Carmelin, qui jura neantmoins le lendemain que jamais il n’avoit eu une plus mauvaise nuict, tant son maistre s’estoit remué. Ils menerent paistre leur troupeau fort loin ce jour cy, et estans proche du clos d’Oronte, ils en virent sortir Charite toute seule, tellement qu’il s’avancerent pour l’aborder.
