Cette page n’a pas encore été corrigée
ssoit alors ses periodes par de certains mots qu’il avoit choisis dés long-temps. Apres avoir raconté cette belle avanture, il parla du don que luy avoit fait Anselme, et de la curiosité qu’il avoit euë, ce qui fit estonner Clarimond plus que jamais de sa follie. Le berger ne se pût tenir de dire en suite que la perte de son echo avoit esté devancee de celle des bonnes graces de Charite, comme les malheurs vont tousjours de compagnie. Clarimond ayant apris de luy les paroles que sa maistresse luy avoit tenuës, luy dit soudain, berger, vous n’avez point de suject de vous fascher en aucune façon. Si Charite vous a commandé que vous ne luy obeyssiez
