Cette page n’a pas encore été corrigée
p247
plaist. Si elle se mouche, je me mouche aussi, si elle tousse je tousse, et si elle crache sur quelque pavé, j’essaye d’y cracher pareillement, quand je devrois m’alterer le poulmon, et cracher cinq cens fois avant que de donner sur le but. Que si elle marche quelquefois devant moy je tasche à mettre les pieds au mesme endroit où elle a mis les siens, et je pren toutes les postures que je luy voy tenir, comme si je joüois avec elle à ce jeu où l’on fait tout ce que l’on void faire. Vous adjoustez merveille sur merveille, dit Clarimond, je suis fort aise d’ouyr tout cela de vostre bouche, car si un autre me le racontoit, je ne le croirois qu’à peine, quand il se donneroit à tous les estaffiers de Pl
