Cette page n’a pas encore été corrigée
d’un malade on a tousjours deux. Le barbier receut son salaire apres ce discours, et s’en alla fort estonné. Lysis ayant mis son bras en escharpe, commanda à Carmelin de luy ayder à s’habiller. Comme il se promenoit par la maison, Clarimond arriva, estant fort soigneux de sçavoir en quel estat il estoit. Le voyant avec ses bandages, il luy demanda quel mal luy estoit survenu. Lysis luy aprit qu’il avoit voulu estre saigné et bandé ainsi que Charite qui avoit une enflure à la jouë. L’imitation en est belle, luy dit Clarimond, et toutefois elle n’est pas entiere : car il me semble que vous devriez donc avoir le visage enflé comme vostre maistresse : c’est ce que je luy ay voulu dire,
