Cette page n’a pas encore été corrigée
chose qu’à vostre maistresse. Comme ce propos finissoit ils entrerent dans Sainct Clou, et furent incontinent à l’hostellerie où s’estoit logé Adrian, laquelle estoit tout à l’entree du bourg. Il y eut assez de monde qui les rencontra, et qui s’estonna du nouvel habit de Lysis, et des moutons qu’il chassoit devant soy, mais personne ne luy osa rien dire, le voyant avec Anselme qui estoit fort respecté, pour estre d’une qualité grandement relevee. Adrian qui les attendoit sur la porte de l’hostellerie, les receut fort courtoisement, estant bien aise de voir son cousin revenir de si bon gré ! La premiere chose que fit Lysis fut de demander une estable pour son troupeau. L’on luy en donna une où il l’enferma, et apres
