Cette page n’a pas encore été corrigée
p258
bergers l’en empescha. Ils estoient fort pres du chasteau de ce magicien lors qu’ils virent sortir une fort belle femme du petit bois. Elle estoit habillee comme les bergeres de theatre, et pour son visage il ne pouvoit mieux ressembler à celuy de Lucide qu’il faisoit, car de fait c’estoit elle mesme. Neantmoins Hircan ayant dit que c’estoit une bergere qui s’apelloit Amarille, Lysis le crut fermement. Que voicy bien le jour des merveilles, disoit ce berger, voicy encore une bergere qui ressemble à mon avis à une nymphe aquatique dont j’ay l’idee emprainte en mon esprit, bien que je ne l’aye jamais veuë qu’au clair de la lune. Il y a de pareilles ressemblances de visage dans tous les romans. Que
