Cette page n’a pas encore été corrigée
euse, pource que si je me plain d’un costé, tu te plaindras de l’autre ; pour moy je parleray tousjours du severe commandement sans commandement de Charite. Et cependant, poursuivit Carmelin, je parleray donc tousjours aussi du changement sans changement de Parthenice. Tu imites mon langage mal à propos, reprit Lysis, il est bien vray que Charite m’a commandé sans me commander : mais ce n’est pas à dire que les dieux ayent metamorphosé ta bergere, sans la metamorphoser. Elle l’est veritablement, et regarde si cette pierre n’est pas blanche comme son teint et son habit. En un certain lieu du haut qui doit estre la teste, ne vois-tu pas des marques qui tirent sur le
