tage, n’ayant que de petits meubles ; il en fit donc faire de bien grands, voulant, ce disoit il, imiter Alexandre roy de Macedoine, qui avoit bien esté appellé le grand, encore qu’il fust petit, et n’avoit point trouvé autre invention pour faire croire à la posterité qu’il estoit de haute stature, sinon de laisser aux bornes de ses conquestes des armes telles qu’il en faudroit à un geant, comme si ç’eussent esté les siennes. Taupin fit ainsi faire d’oresnavant de grands pourpoints et de grands hauts de chausses, et de longs manteaux qu’il ne mettoit guere, et laissoit dans sa garderobbe pour parade, afin que ceux qui les verroient eussent quelque opinion qu’il fust grand. Il ne desiroit rien tant que de sembler riche, afin que l’on dist qu’il estoit un grand seigneur, et voulant que
