l’on se puisse servir de cette subtilité là. Ce sera bien une chose plus belle et plus noble, si tous ceux qui sont icy lesquels sont asseurez du souverain pouvoir de la divinité, s’imaginent que le portraict du gentil-homme fut metamorphosé en celuy d’un cornard, par un miracle celeste pour punir un coquin qui vouloit paroistre ce qu’il n’estoit pas. J’en croiray tout ce qui vous plaira pour eviter la noise, dit Carmelin, aussi bien l’humeur de ce caporal n’estoit elle pas telle qu’il faloit, comme je vous ay desja fait paroistre. Il n’estoit pas assez liberal, et j’ay oublié de vous dire qu’il ne faisoit jamais de provisions, et que l’on ne luy achetoit jamais de pain ny de vin que pour chaque repas, d’autant, disoit-il, que s’il avoit quelque gros pain ou quelque muid
