cheut sur la teste en regardant joüer ses compagnons, il trouva le secret de quitter son premier corps, et d’aller habiter dans celuy de cet enfant qu’il anima depuis au grand estonnement de tout le monde, qui le tenoit pour mort. Quatre vingt ans apres un autre petit enfant se jouant avec d’autres qui le menoient prisonnier, et qui contrefaisoient la justice, il arriva que ses compagnons l’estranglerent tout à faict. Anaximandre se servit encore de ce corps cy, et c’est ainsi qu’il a faict jusqu’à cette heure de plusieurs autres, ayant le pouvoir de destacher son esprit quand il veut de la masse terrestre, et l’y pouvant aussi rejoindre si fermement qu’il n’a jamais manqué à toutes les fonctions des autres. Il boit, il mange, il dort, il faict des enfans, et si jamais il n’est malade.
