estoit, se mit fort en colere. Quoy, luy dit-il, tu ne cesseras donc jamais tes follies ? Tu changes tous les jours de nouveaux habits. à Sainct Clou tu estois vestu en berger, l’autre jour tu estois vestu en sorciere, et maintenant tu es habillé en masque. Ha messieurs, poursuivit-il en se tournant vers les assistans, vous avez tort de prendre icy vostre plaisir de ce pauvre garçon. Il est vray que vostre cousin nous donne du plaisir, dit Anselme, mais c’est pource qu’il à plus d’esprit que nous pour inventer tous les jours de nouveaux jeux. S’il est vestu comme vous le voyez, ce n’est que par galanterie. Comment mon cousin (disoit Lysis sans prendre garde aux excuses que l’on faisoit pour luy) estes vous estonné de me voir vestu de la sorte ? Sçachez que je ne suis
