Cette page n’a pas encore été corrigée
vin, car Adrian disoit que s’il avoit la fievre, cela ne feroit que la redoubler, mais Hircan luy ayant tasté le poux, dit qu’il ne l’avoit pas encore, et qu’il faloit luy accorder ce qu’il desiroit. Carmelin avoit du vin tout prest dans une petite bouteille ; il luy en versa dans un verre qu’il luy aporta. Lysis le but si viste qu’il ne le savoura point, et apres il fit autant de grimasses que s’il eust pris une medecine, puis il continua ainsi de parler. Mes chers amys, ne vous estonnez point si ce vin m’a fait de la peine à avaller, encore que je l’aye faict passer par mon palais le plus viste qu’il m’a esté possible : c’est qu’il a le goust si mauvais, que si tous les breuvages du monde en avoient un semblable, vous vous laisseriez
