Cette page n’a pas encore été corrigée
si parfaict qu’à la seule contenance des personnages que l’on y voyoit, l’on devinoit qu’ils pouvoient dire telles et telles choses, et par ce qu’ils faisoient alors l’on jugeoit ce qu’ils avoient faict desja, et ce qu’ils feroient apres. A ce compte là Homere a plustost faict icy un miracle qu’une faute de jugement, et quant à Virgile au bouclier d’Enee, il n’est point digne d’estre repris pour y avoir faict graver les plus remarquables choses qui devoient arriver à Rome. Il se peut faire qu’elles estoient distinguees par compartimens comme Clarimond le souhaite : mais quand elles ne l’eussent point esté, et qu’il n’y eust eu qu’une ville de Rome sur le bouclier, et qu’en un endroict l’on eust veu le pont rompu sous
