avoient une ame. Clarimond voulant ruiner Ovide tout à faict, n’a point faict difficulté de dire qu’il a mis toutes ses narrations sans aucun ordre. Il devroit considerer qu’Ovide est un poëte et non pas un historien, et que s’il gardoit cét ordre que les historiens n’osent outrepasser, ses metamorphoses ne seroient pas de la moitié si agreables. La poësie est un art plein de fureur qui cherche ses ornemens dedans le meslange, et c’est pour ce sujet qu’Arioste qui ne vouloit pas nous ennuyer entre mesle ses narrations. Le Tasse n’est point aussi blasmable pour avoir parlé des antiennes divinitez dans ses descriptions ; ce ne seroit pas estre poëte, qui n’useroit de figures poëtiques. Je passe ainsi tous ces poëtes que l’on peut deffendre par un seul mot, et maintenant je vien à Ronsard auquel
