Cette page n’a pas encore été corrigée
point que vostre adverse partie ayt esté si bien fondee en sa cause, c’est pourquoy je suis extremement marry que vous n’en ayez pas receu le contentement que vous desiriez. Quant à moy j’ay tousjours porté une grande hayne à ces ridicules romans que vous avez blasmez. L’on m’a fait un peu d’injustice, dit Clarimond, mais j’espere de gagner bien tost ce que j’ay perdu aujourd’huy. Anselme n’a pas voulu choquer tout d’un coup l’opinion commune, bien qu’il fust obligé de la condamner, et pour celuy qui a parlé contre moy, je vous jure qu’il ne l’a fait que par exercice d’esprit et que son cœur à tousjours pensé le contraire de ce qu’a proferé sa bouche. Il en est ainsi de tous les advocats qui pour gagner de l’argent, ou
