en mariage. L’on remonstra à Adrian qu’encore que son cousin eust beaucoup de moyens, si est-ce qu’il ne pourroit trouver un party plus avantageux que celuy là, à cause qu’il n’y auroit pas presse à l’avoir, ayant eu la reputation de n’avoir pas la cervelle bien faicte. Adrian et sa femme trouvans l’alliance de Leonor fort honorable, et songeans aux autres raisons, dirent qu’ils ne trouveroient point le mariage de Lysis et de Charite mal à propos, pourveu que toute la parenté l’eust agreable. Ils se souvinrent aussi d’avoir veu au matin cette Charite, laquelle leur sembloit estre d’une fort douce humeur, tellement qu’elle leur plaisoit fort. Voila comme on parla tout à bon de marier Lysis, se promettant qu’il deviendroit sage, comme de faict
