Cette page n’a pas encore été corrigée
par coustume à quelque petite impertinence, leurs esprits grossiers n’estoient pas capables de le reconnoistre. Le contract de son mariage fut passé sans qu’il y songeast : il ne se mesla que de le signer. Adrian songea pour luy à le faire mettre en bonne forme, pource qu’estant tout ravy d’amour, il ne se pouvoit amuser à de si basses pensees que celles des biens de fortune. Charite avoit quelque peu de bien que luy avoit laissé son pere, et outre cela Leonor luy donnoit une maison qui luy apartenoit, laquelle estoit proche de celle d’Oronte. C’estoit là que l’on avoit resolu que le nouveau mesnage demeureroit : car encore que Lysis ne fust plus berger, si est-ce qu’il ne vouloit point
