Cette page n’a pas encore été corrigée
qu’il retourne à Troye où il s’amuse encore long-temps à parler à sa femme et à voir joüer son fils tandis que les grecs font beaucoup de carnage. Alexandre estoit trop grand d’esprit et de courage pour trouver cecy à propos, et je ne me sçaurois imaginer qu’il ayt pensé estre moins fortuné qu’Achile pour n’avoir pas une telle voix qui chantast ses loüanges, veu qu’il sçavoit bien que si ses conquestes eussent esté descrites fabuleusement comme le siege de Troye, l’on n’en eust pas crû la moindre partie... que s’il fit bastir une ville à l’honneur d’Homere, il n’y a pas tant de gloire à cela que l’on pense, puisqu’il en fit aussi bastir une à l’honneur de son cheval. Ce poëte n’a rien où les grands se puissent plaire. Il faict faire des
