Cette page n’a pas encore été corrigée
Quar que Deus prent en sun cunduit
924 Ne deit cremer beste qui muit.’Puis que out dist, a Deu urat ;
Ço qu’out urét ne demurat :
Altre beste veient venir
928 Qui bien le deit cuntretenir.
Dreit cum ceste vers la nef traist,
L’altre qui vient a rage braist.
Ceste cunuit sa guerrere ;
932 Guerpit la nef, traist s’arere.
Justedes sunt les dous bestes :
Drechent forment halt les testes ;
Des narines li fous lur salt,
936 Desque as nües qui volet halt.
Colps se dunent de lur noës,
Tels cum escuz, e des podes.
A denz mordanz se nafrerent,
940 Qui cum espiez trenchant erent.
Salt ent li sanz des aigres mors
Que funt li denz en cez granz cors ;
