Cette page n’a pas encore été corrigée
Es primers anz que vinc ici
1576 Tuz les trent’anz fui poüd si.
Des peisuns fui poüd si bien
N’oi mester de beivre rien.
N’ennuiout puint nostre Seignur
1580 De tel cunreid ne de greignur :
Puis les trent’anz ne revint cil.
Nel fist sur peis ne ne m’out vil,
Mais Deus ne volt que plus de fors
1584 Venist cunreid pur sul mun cors.
Ici me fist la funtaine
De tuz cunreiz qui est pleine :
Ço li est vis qui rien en beit
1588 De tuz cunreiz que saüls seit.
De aigue ai vescut anz seisante,
Trent’a peisun : sunt nonante.
En le mund fui anz cinquante :
1592 Mis ethez est cent e quarante.
Frere Brandan, or te ai dit
Cument ici ai mun delit.
Mais tu iras en paraïs ;
1596 Pres ad set anz que tu l’as quis.
