Cette page n’a pas encore été corrigée
De tuz ses bons avrat plentét.
1764 Ço que plus est sa voluntét,
Cel ne perdrat, süurs en est ;
Tuz dis l’avrat e truvrat prest.
Bien veit Brandans cele goie.
1768 L’ure li semblet forment poie
Qu’il i estait a ço vedeir ;
Lunges voldrat iloec sedeir.
Mult bien avant l’ad cil menét,
1772 De multes riens l’ad asenét :
Bien diviset e si li dit
De quel avrat chascuns delit.
Vait cil avant e cist aprés
1776 Sur un halt munt cume ciprés ;
D’ici veient avisïuns
Dum ne sevent divisïuns.
Angeles veient e sis oient
1780 Pur lur venir cum s’esgoient.
Oient lur grant melodie,
Mais nel poient suffrir mie :
