1. Ordre neceſſaire a toutes choſes.
L favt qv’il y ait de l’Ordre en toutes choſes, & pour la bienſeance, & pour la direction d’icelles. Le mõde meſme eſt ainſi appelle-en Latin, à cauſe de l’ornement & la grace prouenant
de ſon admirable diſpoſition : & en Grec, κόσμος, a cauſe de
ſon bel Ordre & agencement : pour ce que le parfait ouurier
είς τάξιν αυτόν εκ αταξίας ήγαγεν, dit Platon en ſon Timée, que Ciceron au 5. des loys tourne ex inordinato in ordinem conſtituit.
2. Ordre general du mõde.
Les creatures inanimees y ſont toutes placées ſelon leur haut ou bas degré de perfection : leurs temps & ſaiſons ſont certaines, leurs proprietez sont reglees, leurs effaits ſont aſſeurez. Quant aux animées, les intelligẽces celeſtes ont leurs degrez hierarchiques, qui ſont immuables. Et pour le regard des hommes, qui ſont ordonnez de Dieu, pour commander aux autres créatures animées de ce bas monde, bien que leur Ordre ſoit muable & ſuiet à viciſitude, à cauſe de la franchiſe & liberté particuliere, que Dieu leur a donné, au bien & au mal, ſi eſt-ce qu’ils ne peuuent ſubſiſter ſans Ordre.
3. Ordre neceſſaire parmy les hommes.
Car nous ne pourrions pas viure en egalité de condition, ains il faut par neceſſité que les vns commandent, & les autres obeiſſent. Ceux qui commandẽt ont pluſieurs degrez : les ſouuerains Seigneurs cõmandẽt à tous ceux de leur Eſtat, addreſſans leur cõmandemẽt aux grãds, les grãds aux mediocres, les mediocres aux petits, & les petits au peuple. Et le peuple qui obeit à tous ceux là, eſt encor ſeparé en pluſieurs Ordres & rangs, afin que ſur chacun d’iceux il y ait des ſuperieurs, qui rendent raiſon de tout leur Ordre aux Magiſtrats, & les Magiſtrats aux Seigneurs ſouuerains. Ainſi par le moyen de ces diuiſions & ſubdiuiſions multipliées, il ſe fait, de pluſieurs Ordres vn Ordre general, & de pluſieurs Eſtats vn Eſtat bien reglé, auquel il y a vne bonne harmonie & conſonance, & vne correſpondance & rapport du plus bas au plus haut : de ſorte qu’en fin vn nombre innombrable aboutit à ſon vnité. Ad hoc ſummi diſpenſatoris prouiſio gradus diuerſos, & Ordines conſtituit eſſe diſtinctos, ut dum reuerentiam minores potioribus exhiberent, & potiores minoribus impenderent, vera concordia fieret, & ex diuerſitate connextio. Non enim vniuerſitas poterat alia ratione ſubſiſtere, niſi magnus eam differentiæ ordo ſeruaret, quia quæque creatura in vna eademque qualitate gubernari & non poteſt. Quod nos cœleſtium militiarum exemplar inſtruit, quia dum ſunt Angeli & Archangeli, liquet quod non ſunt æquales, ſed in poteſtate & ordine differunt alter ab altero. dit le Canon dernier de la diſtinction 89.
5. Ordre d’vne armée.
Comment pourroit vn general d’armee eſtre obey en vn moment par tous
