Cette page a été validée par deux contributeurs.
L’ÉGALITÉ DES CHARMES.
EVX Merueilles de l’Vniuers
Tiennent en leurs mains ma fortune,
Et leurs appas ſont bien diuers :
Car l’vne eſt blonde, & l’autre brune.
Cependant leurs ieunes beautez
Regnent deſſus mes volontez
Auec vne eſgalle puiſſance,
Et dans leur glorieux deſtin
Ie ne voy que la difference
D’vn beau ſoir & d’vn beau matin.
ÉPITAPHE D’VN PETIT CHIEN.
Y giſt vn chien qui par Nature
Sçauoit diſcerner ſagement,
Durant la Nuict la plus obſcure
Le Voleur d’auecque l’Amant.
Sa diſcrette fidelité
Fit qu’auec beaucoup de tendreſſe
À ſa mort il fut regretté
Par ſon Maiſtre, & par ſa Maiſtreſſe.