Cette page n’a pas encore été corrigée
La tierce oevre fu de musique,
- A cui toz li deduiz s’acorde,
- Chant et deschant, et son de corde,
- De harpe, de rote et vi
- Ceste oevre fu et buene et bele,
- Car devant li gisoient tuit
- Li estrumant et li deduit.
- La quarte qui aprés ovra
- A mout buene oevre recovra,
- Car la mellor des arz i mist.
- D’astronomie s’antremist
- Cele qui fet tante mervoille,
- Qui as estoiles se consoille
- Et a la lune et au soloil ;
- An autre leu ne prant consoil
- De rien qui a feire li soit.
- Cil la consoillent bien a droit
- De quanqu
- Et quanque fu et quanqu
- Li font certainnement savoir
- Sanz mantir et sanz decevoir.
- Ceste oevre fu el drap portreite,
- De quoi la robe Erec fu feite,
- A fil d’or ovree et tissue.
- La pane qui i fu cosue
- Fu d’unes contrefeites bestes,
- Qui ont totes blanches les testes
- Et les cos noirs come une more,
- Les dos ont toz vermauz dessore,
- Les vantres vers et la coe inde.
- Iteus bestes neissent an Inde,
- Si ont barbioletes non ;