DU CORPS FÉMININ 91 Grâce qui sçais conduire l’oeil et la face, Qui faict le corps n’estre rien moins que grâce ; Grâce qui plus que la bonté contente, Qu’esprit ou oeil, ou tetin, ou la fente ; Grâce le mieulx de tout le demourant Où cùeur d’autruy vit heureux en mourant. Grâce jolye, honnestre, recreable, Humaine, douce, amoureuse, accointable
Grâce de cette haulte grâce produicte, Qui sert à l’ame envers Dieu de conduicte ; Grâce en ce monde arrivée en effect Pour un beau corps du tout rendre parfaict
Pourront mes vers en leurs chantz trop estranges Bien exprimer tes supresmes louanges ? Non, car le los de ton grand advantage Ne se congnoist seulement au visage ; Mais si tu veux permettre à mes deux yeux Veoir le tetin où l’on te congnoist mieux, Le corps, la cuisse où ta beaulté se livre J’auray subject de toy faire un beau livre.
BLASON DE LA VOIX
E[ustorg] de Beaulieu
Voix doulce, et très-armonieuse,
Voix monstrant m’amye joyeuse,
Voix tu mérites le vanter.
Voix de laquelle le chanter
A la vertu quand elle chante,
Que tous les escoutans enchante.
