5500 escus ; aucune personne ne peut demeurer en Espagne sans avoir la bulle ; il avoit sa chambre perpetuelle aux comedies de Valladolid, et une autre à la cour de la Orix ; il estoit resident de Soria, qui vaut autant qu’eschevin, ayant voix au conseil et assemblées ; gardien et patron du monastère de Portacely en Valladolid ; il avoit aussi deux regimens en la cité de Plasencia ; il estoit gardien de la chapelle royalle du monastère de la Trinité en Madrid. Ses meubles furent prisez à quatre cens mil ducats, qui valent 366666 escus. Il avoit la moitié du butin qu’on apporte des Indes ; il avoit le droict du bois du Bresil qui vient à Lisbonne, qui luy valloit 11000 escus de rente, et le roy lui avoit donné que nul ne pouvoit traicter aux Indes en meules de moulin et d’esmouleur que luy, qui luy valloit grand revenu.
Il s’est trouvé pour certain que chacun an il entroit en sa maison plus de deux cens mil ducats de rente, qui seroit 183333 escus de rente, sans les particulières richesses, qu’il est impossible de nombrer.
Son père et sa femme, avec deux fils et deux filles, s’exemptèrent de cette ville deux jours avant son execution, après avoir fait de grandes diligences pour lui sauver la vie, et avoir jetté plusieurs larmes ; et tient-on qu’ils se sont retirez à Oliva, qui est ce que l’on peut raconter de ceste presente histoire.
De Madrid, le vingt-deuxiesme jour d’octobre mil six cens vingt-un.
