correction de la Cour, très faux ; que veritablement il estoit impuissant et incapable de mariage, et que c’estoit un abuseur de femme, homme en apparence, et rien plus, capable de donner subject à une femme jeune comme elle estoit de faire de faux bons et bresches à son honneur, si elle n’estoit pourveue d’esprit et mures considerations ; voire que jusque là, pour montrer et verifier que l’impuissance de lignée ne provenoit point de la demanderesse, c’est que de son premier mary elle avoit eu trois enfans, l’un desquels estoit encore vivant.
L’official d’Angers, sur les remonstrances faictes de part et d’autre, ordonne que ledict Picot sera veu et visité tant par les medecins que matrosnes, pour cognoistre la verité du faict, et, attendu la preuve de ladicte Moreau, ordonne qu’elle passera outre à sa demande, et à elle de faire continuer lesdictes poursuites.
Picot estant visité, tant par les medecins, chirurgiens, que matrosnes, et recogneu impuissant d’avoir lignée, bien que la demonstration estoit fauce, sur ce rapport l’official declare le mariage nul et permet aux parties de se pourvoir ainsi que leur semblera bon estre, et condamne ledict Picot aux despens.
De cette sentence le deffendeur se porte pour appelant et relevé son appel de telle sorte que maintenant il plaira à la Cour de considerer, par son ju-
point tant, je le connois bien. » Ces experts disent qu’ils n’ont jamais tant ri ni moins dormi que cette nuit-là… » (Historiettes, 2e édit., t. 10, p. 200.)
