Quelques jours après, le dit de la Bruyère mena le dit la Garde chez le Père Alagon, jesuite, oncle du duc de Lerme, Espagnol ; lequel jesuite luy proposa d’entreprendre l’execution dont s’estoit chargé le dit Ravaillac, comme l’estimant digne d’une telle entreprinse, pour laquelle il luy feroit donner cinquante mil escus et le feroit grand en Espagne5.
À l’instant que j’eus descouvert ces choses, je fus avertir monsieur Zamet le lendemain au matin à la pointe du jour, le quel fit serment sur les sainctes Evangiles qu’il ne me descouvriroit et ne m’accuseroit point pour le dit advertissement, sous la quelle asseurance je luy racontay toute l’affaire cy-dessus ;
avec grandes caresses, et prié de manger avec eux. Il s’assit à table, et, enquis par quelqu’un des sus nommez quelles affaires l’amenoient à Naples, respond qu’il apportoit des lettres au vice-roy de Naples de la part d’un seigneur françois, lequel nomma, et dont le sieur de la Garde a déclaré le nom devant nos seigneurs du Parlement, lorsqu’il a esté interrogé, desquelles lettres il vouloit retirer responce après disner pour s’en retourner en France, où estant, il falloit qu’aux despens de sa vie il tuast le roy, et qu’il s’asseuroit de faire le coup. Le sieur de la Garde, estonné de ce discours, s’informa du plus proche de soy qui estoit cet homme. Il le luy nomma. Durant le disner furent tenuz plusieurs autres propos entremeslez de ce damnable dessin. »
5. D’après le Factum, la Garde auroit eu deux entrevues avec le jésuite. Dans la seconde, il lui auroit demandé de quelle manière il entendoit qu’il falloit tuer le roi. « Alagon respond que cela se pourroit faire d’un coup de pistolet à la chasse du cerf. »
