Incidence[1]. – En cele année fu par ii foiz eclipse de lune ; la premiere fu es kalendes de juing[2], et la seconde la nuit de Noël.
Incidence. – En cele année, fu aportée à l’empereor une maniere de blé d’une contrée de Gascogne, dont li frains estoit mendres que de forment, et disoit-on que il estoit chauz du ciel.
Tout cel yver demora li empereres à Es la Chapele[3], et quant ce vint vers la fin dou quaresme, que la sollempnitez de Pasques aprochoit, si granz croules et si granz movemenz de terre fu, que a par poi que li palais et les tors ne chairent. Après ces croles, venta si très forment que la force du vent ne descovri par tant seulement les petiz edifices, mais le palais d’Aes et l’eglise Nostre Dame qui estoit coverte de granz entablemenz de plunc.
Après ce que li empereres ot demoré à Es pour aucunes granz besoignes, il s’en parti vers les kalendes de juing[4] et s’en ala à Warmaise[5] pour tenir parlement qui là devoit estre ou moys d’aoust. Mais cil parlemenz dut demorer pour aucunes noveles qui vindrent à cort, car l’on disoit que li Normant voloient brisier les convenances que il avoient à l’empereor et
- ↑ Paulin Paris a omis cette incidence dans son édition (t. II, p. 361).
- ↑ Dans le royal ms. 16 G VI, fol. 202 vo, on a « juignet », qui est la bonne leçon. D’après la chronologie des éclipses (Art de vér. les dates, in-fol., t. I, p. 67), il y eut, en effet, deux éclipses de lune en 828, le 1er juillet et le 25 décembre.
- ↑ Vita Hludowici imperatoris, chap. xliii.
- ↑ Ce serait aux calendes de juillet, d’après la Vita Hludowici et d’après les Annales (année 829).
- ↑ Worms.
