pour chastoier les maufeteurs, et puis repairassent à lui pour renuncier ce que il auroient fait de ceste besoigne, en Garmaise[1], où il devoit tenir parlement à l’issue de l’yver.
[2]Grant partie de cele saison demora li empereres à Es la Chapele ; devant la Nativité s’en parti et s’en ala à Theodone[3], et d’ilueques à Mez. Là celebra la sollempnité de Noel ovec Drove l’evesque de la cité qui ses freres estoit. De là se parti et celebra la Purification Nostre Dame à Theodone. Là assembla parlement des barons, si com il avoit ordené devant. En cele assemblée, fist sa complainte devant touz les princes, des evesques qui avoient esté contre lui et qui estoient cause de sa déposition et de sa honte. Mais aucuns s’en furent fui en Lombardie, et aucun, tout fussent-il semons, ne voudrent ou n’oserent avant venir. De touz ceus que li empereres acusoit, n’en i ot que un seul, qui avoit non Ebons. Contrainz fu à rendre raison de la cause de son meffait ; si se complaignoit moult durement de ce, ce disoit, que l’on se prenoit à lui tant seulement
- ↑ Sous ce nom on désigne Worms. Les Grandes Chroniques répètent l’erreur de la Vita Hludowici imperatoris ; ce n’est pas à Worms qu’eut alors lieu ce placite, mais à Crémieu (Stremiacum) [Isère, arr. de la Tour-du-Pin, ch.-l. de cant.], au mois de juin. Thégan, au reste, le laisse entendre lorsqu’il dit (chap. lvii) : « Ipso anno (835) perrexit Imperator ad partes Lugdunensium », et les Annales de Saint-Bertin (année 835) désignent formellement cette ville : « Deinde ad placitum suum generale quod in Stremiaco prope Lugdunum civitatem se habiturum indixerat, profectus est. Quo in mense junio habito, etc… » (cf. Rec. des Hist. des Gaules et de la France, t. VI, p. 117, note d, et Simson, Jahrbücher des fränkischen Reichs unter Ludwig dem Frommen, t. II, p. 139 à 141).
- ↑ Vita Hludowici imperatoris, chap. liv.
- ↑ Theodone, Thionville.
