en Alemaigne contre son fil. Si li grevoit plus ce, que il soloit tout ce saint tens despendre en matines, en geunes, en oroisons et en aumosnes, et il li convenoit ostoier et chevaucher à armes par le païs, ne ne voloit avoir un seul jor de repos pour la cure que il avoit de sainte Eglise ramener à pais et à concorde. Car il fesoit à l’example du bon pastor qui pas ne douta à habandoner son cors à martyre pour la delivrance de ses oueilles, dont l’on ne doit pas douter que il n’en ait les merites receues, quant li soverains des pastors promet grant loier à ceus qui ensi travaillent pour l’amor de lui. A Es la Chapele vint à grant travail de son cors, maismement pour la maladie que il sentoit. Droit à la sollempnité de Pasques vint là. Après la feste, se mist en voie pour acomplir la besoigne porquoi il estoit meuz. Le Rim trespassa et s’en ala en Toringe où il avoit entendu que Loys estoit. Mais quant il sout que ses peres venoit seur lui si efforciement, il ne l’osa atendre, ainz se mist à la fuite par Esclavonie, et par là retorna en Baiviere, et li empereres assembla parlement en la cité de Warmaise. Si envoia endementiers, en Ythalie, à son fil Lothaire et li manda que il venist à ce parlement pour traitier et de ce et d’autres choses. Challes ses fiuz et l’empereriz estoient demoré en France et conversoient adonques ou roiaume d’Aquitaine.
Incidence. — Droit en ce tens, fu eclipse de soleil universiex[1] et tiex que entre l’eclipse et la nuit n’avoit
- ↑ D’après la chronologie des éclipses publiée dans l’Art de
de caresme en oroisons, en jeunes et en aumosnes, et de s’i emploier telement que à paine vouloit en autre chose deuz jours en la sepmaine emploier ne mettre » (royal ms. 16 G VI, en note).
