jusques à iim chevaus ; desus monterent et firent d’eus meismes ii batailles, puis s’en alerent à l’eglise de Saint Michiel de Mont Gargan[1], les clercs et les pelerins qui là estoient venu pour orer roberent, et tolirent tout quanque il avoient, et puis s’en retornerent charchié de despoilles. De ceste aventure, fu li Apostoles et li empereres et li Romain trop corrocié.
Incidence. — Loys, li uns des fiuz le roi Loys de Germanie, se combati en ce tens contre les Wandes[2] à l’aide des Saines. Grant occision i out d’une part et d’autre ; mais toute voies out il victoire à la parfin, à grant domage de sa gent, et a tant s’en retorna.
Incidence. — Rollanz, li arcevesques d’Alle[3], empetra en ce tens vers l’empereor et vers l’empereriz Engiberge[4] l’abeïe de Saint Cesaire, en l’isle de Kamarie[5] ; mais ce ne fu pa sanz granz dons et sanz granz services. Moult estoit cele abaïe riche et de granz possessions. En cele isle soloient avoir un port li Sarrazins, par quoi il povoient là legierement ariver. Un chastel i fist cil arcevesques, de terre tant seulement, et quant il oï dire que Sarrazins venoient, il se mist folement dedenz, car il n’estoit ne forz ne garniz pour lui sauver. Li Sarrazins vindrent là, de sa gent oc-
- ↑ Célèbre monastère situé sur le mont San Angelo dans le massif du Monte Gargano (Italie du Sud), sur le littoral de l’Adriatique, au nord du golfe de Manfredonia.
- ↑ Les Annales de Saint-Bertin ajoutent : « qui in regionibus Saxonum sunt ».
- ↑ Roland, archevêque d’Arles, qui est honoré comme saint, aurait occupé ce siège depuis 852 environ jusqu’à sa mort que l’on fixe au 19 septembre 869.
- ↑ C’est Ingelberge ou Angilberge, femme de l’empereur Louis II.
- ↑ L’isle de Kamarie, la Camargue.
