roit, ala encontre lui tantost come ele en oï noveles. Si passa parmi Rains et Chaalons, parmi Lengres et Besençon, jusques à une vile qui a non Warnifontene[1]. Ovec l’empererriz retorna parmi les citez devant dites, droit à Compiegne ; de là s’en vint à Saint Denyse pour faire la feste de la Resurrection. Lors manda les messages l’apostoile Jehan ; c’est asavoir : Jehan de Toscane[2] et Jehan d’Arete[3] et Ansegise de Sane[4]. Par leur conseil et par l’auctorité de l’Apostoile, ordonerent un concile general de prelaz, en la marche de Loherene, à une vile qui a non Pontigone[5].
Cil Bosons, dont nous avons parlé, que li empereres ot lessié en Ythalie pour la terre garder, et qui freres estoit sa fame, espousa Ermenjart, la fille l’empereor Loys, puis que li empereres Kalles s’en fu retornez en France par le conseil Evrart le fil Berenger[6], en cui garde la damoisele demoroit sanz le seu l’empereor[7].
Quant li termes du concile aprocha, li empereres Kalles et li messages l’Apostoile murent et s’en alerent par Rains et par Chaalons, et quant tuit furent assemblé[8], prelat et autres persones, et il furent revestu des
- ↑ Latin « Warnarii fontana », auj. Vernierfontaine, Doubs, arr. de Baume-les-Dames, cant. de Vercel.
- ↑ Toscane, Toscanella.
- ↑ Arete, Arezzo.
- ↑ Latin « Ansegisum Senonensem », Anségise, archevêque de Sens du 1er juillet 871 au 26 novembre 883, date de sa mort.
- ↑ Ponthion. Voir les actes de ce synode dans Labbe et Cossart, Sacrosancta concilia, t. IX, col. 280-295.
- ↑ Il faut, au contraire, par le conseil de Béranger, fils d’Évrart, « Berengerii Everardi filii factione ».
- ↑ Latin « iniquo conludio in matrimonium sumpsit ».
- ↑ D’après les Annales de Saint-Bertin, le synode de Ponthion s’ouvrit le 11 des calendes de juillet, soit le 21 juin 876.
