pereres, message, Ensegise l’arcevesque de Sanz et Algaire[1], l’arcevesque d’Ostun.
Incidence. — Entre ces choses, fist li abbés Hues[2] baptizier aucuns Normanz qui puis furent amené à l’empereor qui leur fist doner dons. Atant retornerent à leur genz et puis repristrent leur mescreandise et vesquirent paien ausi comme devant.
En la quinte kalende d’aoust[3], se parti li empereres de Poncone[4] et retorna en France par Chaalons. Là demora jusques as ydes d’aoust[5] pour une maladie qui le prist. En la XVII kalende de septembre[6] vint à Rains, et de Rains droit à Senliz[7]. II des messages l’Apostoile qui estoient demoré, Jehan, li evesques d’Areste et Jehan le Toscan et Huede, l’evesque de Biauvez, envoia en message à Loys son frere, le roi de Germanie ; si n’i envoia pas ceus tant seulement, ainz i envoia ses fiuz et autres princes du roiaume. Mès après ce que il furent meu, vindrent noveles à l’empereor[8] que ses freres, à cui il enveoit ces messages, estoit trespassez en son palais de Franquenehourt, en la V kalende de septembre[9], et estoit ensepouturez en l’église Saint Nazaire. Tantost se parti li empereres de Karisi et s’en
- ↑ Latin « Adalgarium ». Adalgaire, évêque d’Autun de 875 à 893.
- ↑ Latin « ab Hugone abbate et marchione », c’est Hugues l’Abbé.
- ↑ Le 28 juillet 876.
- ↑ Latin « movit a Pontigone », Ponthion.
- ↑ 13 août.
- ↑ 16 août.
- ↑ Latin « Silvacum », Servais.
- ↑ C’est à Quierzy que cette nouvelle fut annoncée, « in Carisiaco » (Annales de Saint-Bertin).
- ↑ Le 28 août.
