Li V parole comment li baron de France firent coroner les II fiuz le roi Looys à Ferrieres en Gastinois ; comment Boson se fist coroner à roi d’Aquitaine par aucuns evesques ; comment Kalles, li uns des fiuz Looys le roi de Germanie, sesi le roiaume d’Ithalie ; comment li dui frere partirent le roiaume et comment il assegierent Viene.
Li VI parole comment Challes retorna du siege après la mort son frere pour aler contre les Normanz ; comment il leur rendi treu en pacifiant à eus ; comment il furent desconfit devant Paris par la vertu saint Germain ; comment il gasterent Rencien et Loonois et comment li rois Challemaines les desconfi.
Li VII parole de la mort le roi Challe et de son fil Looys fainoient, car ensi fu-il apelez ; comment li baron apelerent en aide l’empereor Challe contre les Normanz, et comment il revindrent en France ; de la mort Loys fainoient ; comment li baron coronerent le roi Huede pour l’enfant garder qui fu apelez Kalles li Simples[1].
Li VIII parole comment Looys, li fiuz Challe le Simple, et sa mere s’enfuirent en Engleterre après la mort son pere ; de la mort le roi Raoul ; comment li baron remanderent l’enfant pour lui coroner et puis sa mort ; comment li empereres Othes fu desconfiz devant Paris.
Li IX parole de la mort le roi Lothaire, du coronement et de la mort son fil Loys ; de Challes le frere
- ↑ À la suite on a cette phrase, de la même écriture que les lignes précédentes, mais exponctuée, semble-t-il, postérieurement : comment li cuens Herberz de Vermendois le fist puis morir en prison.
