Le texte de cette page a été corrigé et est conforme au fac-similé.
leur avoit donné et les envoia en leur propres lieus, et à ceus à cui il avoit riens lessié donna raisnablement.
VIII.
Des messages l’empereor de Costantinoble, et coment li rois manda Bernart son neveu qui rois estoit de Lombardie, et puis comment il rendi aus Saines et aus Frisons leur terres ; de la joustice que li apostoiles Leons fist à Rome, et comment li rois i envoia Bernart son neveu pour savoir la verité de ceste chose.
Messages reçut li empereres de diverses parties, qui à son pere estoient envoié diligemment, et volentiers les oï, largement les porvit, dons leur donna et puis les congea. Li plus sollempnel estoient li message Michiel, l’empereor de Costantinoble[1]. A celui Michiel avoit envoié Karlemaines li empereres messages avant que il trespassast. Cil messages furent Almarris, li arcevesques de Treves, et Pierres, abbés de Nanthule[2]. Pour confirmation de pais et d’aliances estoient là alé[3]. Ovec aus amenerent cil dui message Christofle[4] et Gre-
- ↑ Michel Curopalate, surnommé Rhangabé, qui fut empereur d’Orient du 2 octobre 811 au 10 juillet 813.
- ↑ C’est au début du printemps de l’année 813 que Charlemagne envoya à Constantinople Amalaire, archevêque de Trèves, avec Pierre, abbé de Nonantola (auj. Italie, prov. de Modène).
- ↑ Le royal ms. 16 G VI ajoute en note : « Et quant il s’en volrent retourner. »
- ↑ Le royal ms. 16 G VI ajoute en note : « Qui l’espée de l’emperiere, du droit de son office, portoit », voulant ainsi rendre le titre qui lui est donné dans le texte latin : « Protospatharium. »
