ce, le fist li rois que il voloit oster la matere du non de la cité que ele avoit eu ancienement au tens de ceus qui la fonderent ; car ele fu apelée à ce tens, par son premier non Leuthèce, qui vaut autant à dire come vile bououse ou plaine de boue. Et pour ce que li habitator qui en ce tens estoient, avoient horror dou non qui estoit laiz, li changierent ce non et l’apelerent Paris, en l’onor de Paris, l’ainzné des fiuz au roi Priant de Troie ; car si comme l’on trove, il estoient tuit descendu de cele lignie. Il osterent le non de la cité tant seulement ; mais li bons rois osta la cause et la matere dou non, quand il la fist si atorner que pueurs ne corruption n’i pot demorer.
[1]Ci endroit fust descrite la genealogie des rois ; mais nous n’en volons pas autrement traitier que nous en avons traitié au commencement des croniques. Mais toutes voies, puet-on bien ci-endroit, metre le nombre et le descendement de la genealogie.
[2]Li premiers, si ot non Pharamonz[3] ; li seconz, ses fiuz, Clodio ; li tierz, Merovées. Cist Merovées ne fu pas
- ↑ Primat rappelle qu’au début des Grandes Chroniques il a déjà fait connaître comment les Francs descendaient des Troyens qui s’enfuirent en Europe après la ruine de leur ville (voir t. I, p. 9 et suiv.).
- ↑ Rigord, Gesta Philippi Augusti, § 38.
- ↑ Le royal ms. 16 G VI ajoute ici en note : « Cil Pharamons fu filz Marconine (sic) filz Priant le roy d’Austrie. Cil Priant ne fu pas le grant Priant roy de Troies, ainçois fu filz de son filz qui avoit nom Hector. »
