valerie, puis prist l’escu et la lance ou poingn et leur courut sus, criant à haute voiz : « Haynaut ! » et les Flamens se deffendirent viguereusement, mais en la parfin, la force ne dura guères, si se desconfirent et furent ileques touz tuez. Puis monta le conte de Hainau et se trait sus le mont de Cassel, et touz ceulz qu’il y pot trouver ou encontrer, il les fist mettre à mort. En celle bataille fu tué Colin Zanequin qui estoit capitaine des Flamens. Les gens du roy qui chaçoient les anemis vindrent en la ville du mont de Cassel et bouterent le feu partout, de quoy tout le pays fu resjoiz quant il virent le feu. Et puis retorna le roy en ses tentes, loant Dieu de sa victoire. Mès aucuns qui s’en estoient fuiz, quant il virent les Flamens venir comme dessus est dit, retornerent et firent les bons varlez, et faisoient entendant qu’il avoient tout vaincu.
Or vous dirai des haus hommes qui furent mors et navrez en celle bataille. Il y ot mort i chevalier de Champaigne qui estoit à baniere, que on appelloit monseigneur Regnaut de Lor[1], et fut enterré à Saint-Bertin. Et si y mourut un banneret de Berri, li sisiesme de chevaliers, qui fu appellé le visconte de Bresse[2], et furent touz enterrés aus Cordeliers.
Des navrez qui vindrent à Saint Omer, il y fu le duc de Bretaingne, le conte de Bar et le conte de Bouloigne[3] qui furent malades de fievres et d’autres ma-
- ↑ Sans doute Regnault ou Renaud de Laur qui fut châtelain de Laon de 1320 à 1322 (La guerre de Flandre (1328), dans Bibl. de l’Éc. des chartes, t. LXXXIII (1922), p. 371, note 8).
- ↑ Les Istore et croniques de Flandres (éd. Kervyn de Lettenhove, t. I, p. 346), l’appellent : « le visconte de Brosse ».
- ↑ Guillaume XII, comte d’Auvergne et de Boulogne qui, en 1326, succéda à Robert VII, son père, et mourut le 6 août 1332.
