role simplement, dont il avint que de diverses parties les malades venoient à lui. Si avenoit aucunes foiz que les uns estoient garis et les autres non, ja soit ce que en ses fais et en ses dis, mist aucune apparance de verité. Mais quant aucun qui avoit fievre ou autre maladie venoit à lui, il li commandoit qu’il mangast viandes contraires à sa santé. Si avint que les sages qui virent sa maniere d’aler avant n’en tindrent conte, et leur sambla que ce n’estoit que vanité et erreur. Si avint après que l’evesque de Paris qui vit bien que ce n’estoit que erreur, manda le pere et la mere dudit enfant et leur commanda qu’il ne souffrissent plus qu’il feist telles chsoes ; et si deffendi ledit evesques à touz ses sougiez, sus paine d’escommeniement, que nul n’alast plus à li.
Item, en ce temps, messire Guillaume de Meleun, arcevesque de Sens, home humble et à Dieu devot, mourut[1], et en une eglise que on appelle le Jars[2] emprès Meleun fu enterré très honnorablement. Et fu après li, maistre Pierre Rogier arcevesque de Sens, qui par avant estoit evesque d’Arras.
Item, en cel an, Loys de Baviere oy dire que Federic, le duc d’Austrie, estoit mort[3]. Si se translata ledit Loys d’Ytalie en Alemaigne, et dist l’en que en yce temps il empetra par devers les nobles de la dicte Alemaigne moult grant aide à procurer les drois de l’Empire. Mais
