souz certaines condicions, lesquelles le roy ne leur voult pas passer ne octroier, et ainsi se partirent leurs messages sanz riens faire.
Item, en ce meismes an, le roy de France esmut I grant ost contre les Flamens, les Brebançons et les Hanoyers, et s’en ala à Arras. Là attendi que son ost fust assamblé, mais endementres qu’il assambloit son ost, il envoia son ainsné filz messire Jehan de France, duc de Normendie, pour gaster la terre au conte de Haynau,[1]lequel assembla I grant ost à Saint Quentin en Vermendois et s’en ala à Cambray. Et quant il fu à Cambrai, il manda assez tost après toutes les connestablies qui estoient sus les frontieres, qu’il venissent à lui[2]. Et quant elles furent toutes venues, si s’en ala assegier I chastel que on appelle Escaudeuvre[3], et fit drescier les engins et gitter dedenz jour et nuit. Si n’avoit encore pas sis ledit monseigneur Jehan de France XV jour devant ledit chastel, quant le roy de France vint au siege, et si tost comme le roy fu là venu, touz les haux hommes du royaume le suivirent, et assambla ylec I si grant ost que ce fu merveille. Et au chief de III sepmaines se rendirent ceulz du chastel, sauves leurs vies et tout leur avoir que il emporterent, et livrerent le chastel[4]. Quant les gens du roy furent dedenz, si commanda le roy que tout fust mis par
- ↑ La fin de ce chapitre n’est pas tirée de la Continuation de G. de Nangis.
- ↑ Pour la campagne du duc de Normandie en Hainaut, voir Froissart, éd. Luce, t. II, chap. XXXV et XXXVI, § 102 à 112.
- ↑ Escaudœuvres, Nord, arr. et cant. de Cambrai.
- ↑ Cette ville se rendit le 3 juin 1340. Sur ce siège, voir Jean le Bel, éd. Viard et Déprez, t. I, p. 173 ; Froissart, éd. Luce, t. II, p. XII et 19-20 ; Chronographia, t. II, p. 114 à 116.
