Là s’assamblerent les batailles ; mais de premiere venue le roy d’Espaigne perdi assez de sa gent ; et depuis pristrent vigueur en eulz, et se ferirent enmi les Sarrazins et se combatirent de si grant pooir que les Sarrazins se desconfirent, et dura l’occision III jours et II nuiz que onques ne finerent d’espandre sanc des mescreans. Et dist-on qu’il en mourut bien à celle bataille ccM. Et fu occis Picazo[1] le filz au roy de Belle Marine[2] qui estoit moult bon chevalier. Quant le roy Garbus fu ainsi desconfit, il s’enfui a toute sa gent qui demourez li estoient en une cité que on appelle Gersye[3].
Quant les roys crestiens virent ce, si s’appareillierent pour assegier la cité. Mais le roy Garbus l’apperçut ; si fist nombrer ses gens d’armes et trouva qu’il en avoit encore xxm à cheval et grant multitude de gent à pié, et si n’avoit mie vivres en la cité pour plus de XVI jours. Si manda toute sa gent et leur dist que miex leur venoit combatre que estre ileques affamez, et furent d’accort d’issir contre les crestiens, et issirent bien une lieue loing. Quant les crestiens virent ce, si s’arresterent et ordenenerent leurs batailles. Et si tost comme il assamblerent ensemble, le roy Garbus s’enfui en la cité et ses gens aussi. Et pour ce qu’il doubta le siege, pensa de soy enfuir par mer, car en la cité avoit une riviere portant navie, et y avoit III galies et une sagittaire, et si entra ens envi-
- ↑ Le nom de Picazo serait Abû Mâlik, ou Abd-el-Malek.
- ↑ Sous ce nom de Belle Marine serait désignée la dynastie des Banû Marîn ou Beni-Merin et le sultan était Abu’l-Hasan.
- ↑ Gersye, Algésiras. Cette ville fut prise par les chrétiens le 26 mars 1344, après un siège de vingt mois (Art de vérifier les dates, éd. in-8o, depuis 1770 à nos jours, t. III, p. 112).
