Le mardi xviii jour[1] de jenvier, Phelippe filz du roy de France[2], estant en aage de x ans, prist à femme madame Blanche fille de Charles roy de France[3] qui estoit trespassez derrenierement, estant laditte Blanche en aage de xviii ans. Et fu faite très grant feste à Paris ou palais le roy, presente madame la royne Jehanne[4] mere de la ditte espouse, atout grant compaignie de nobles. Et l’andemain de la ditte feste[5] la compaignie des nobles dessus diz firent joustes et grant appareil, esquelles joustes, monseigneur Raoul conte d’Eu fu mis à mort et occis de cop de lance.
[6]Le derrenier jour de fevrier fu conjonction des trois planetes plus hautes, c’est assavoir de Mars, de Jupiter et de Saturne ; et selon le jugement des sages astronomiens qui pour le temps demouroient à Paris, laditte conjonction, selon leur dit, valoit trois conjonctions ; c’est assavoir conjonction grant, très grant et moienne, et ne povoit avenir mais que en [7] dumoins. Et pour ce elle demonstroit et segnefioit
- ↑ La Chronique de Richard Lescot, p. 65, § 160, donne par erreur : « octava die ».
- ↑ Philippe, duc d’Orléans et comte de Valois, cinquième fils de Philippe VI de Valois.
- ↑ Blanche, fille posthume de Charles IV le Bel, était née le 1er avril 1328.
- ↑ Jeanne, fille de Louis de France, comte d’Évreux, troisième femme de Charles le Bel.
- ↑ 19 janvier 1345 (n. st.). Raoul, comte d’Eu, fut donc tué le 19 janvier et non le 18, comme l’indiquent l’Art de vérifier les dates, éd. in-fol., t. II, p. 800, éd. in-8o, t. XII, p. 426 et 458, le Trésor de chronologie, col. 1596, le P. Anselme, t. VI, p. 126.
- ↑ Chronique de Richard Lescot, p. 65, § 161.
- ↑ Un blanc. Ms. fr. 17270, fol. 407 vo : « que au ansdu moins ».