de Foys[1] prist à femme la fille de la royne de Navarre, laquelle royne estoit fille de Loys Hutin jadis roy de France et filz de Phelippe le Bel. Et fu la feste faite à Paris au Temple, et fu le servise fait par Hue evesque de Laon.
En ce meismes mois, le unzieme jour, c’est assavoir le vendredy, trespassa madame Bonne[2], duchesse de Normandie, femme de monseigneur Jehan premier né du roy de France et duc de Normandie, et fu enterrée le xviie jour du mois d’aoust en l’eglise des suers de Maubuisson emprès Pontoise.
Item, en ycest an, c’est assavoir le quart jour du mois d’octobre, lequel fu au lundy, trespassa madame Jehanne royne de Navarre[3], fille de Loys Hutin roy de France, et fu enterrée à Saint Denys en France as piez de son père, et de costé messire Jehan son frère, lequel estoit appelle roy[4], jasoit ce qu’il ne fust onques couronné, le lundy xie jour de decembre.
Item, en celi an meismes, le[5] xiie jour de decembre devant dit, trespassa madame Jehanne royne de France, jadis fille de monseigneur Robert duc de Bourgoigne et de madame Agnès fille de monseigneur saint
- ↑ Gaston III dit Phébus, comte de Foix, épousa Agnès, fille de Philippe III, roi de Navarre, et de Jeanne, fille de Louis X le Hutin et de Marguerite de Bourgogne.
- ↑ Bonne de Luxembourg mourut non le 11 août 1349, mais le 11 septembre 1349. Cf. Journaux du trésor de Philippe VI de Valois, nos 2646 et 2647 ; Froissart, éd. Luce, t. IV, p. xxxiv, note 3, et Jean le Bel, t. II, p. 183, note 2.
- ↑ Femme de Philippe, comte d’Évreux, roi de Navarre, mère de Charles le Mauvais.
- ↑ Jean Ier.
- ↑ « Samedi » (B. n., ms. fr. 17270, fol. 418 vo).
