BALLADE
[de bon conseil]
Hommes failliz, bersaudez de raison,
Desnaturez et hors de congnoissance,
Desmis du sens, comblez de desraison,
Folz abusez, plains de descongnoissance,
Qui procurez contre vostre naissance,
Vous submettans à detestable mort
Par lascheté, las ! Que ne vous remort
L’orribleté qui a honte vous maine ?
Voyez comment maint jeunes homs est mort
Par offenser et prendre autruy demaine.
Chascun en soy voyë sa mesprison !
Ne nous vengons, prenons en pacïence :
Nous cognoissons que ce monde est prison
Aux vertureux franchis d’impacïence.
Batre, rouiller, pour ce n’est pas scïence ;
Tollir, ravir, piller, meurtrir à tort :
De Dieu ne chault, trop de ver(i)té se tort
Qui en telz faiz sa jeunesse demaine,
Dont a la fin ses poins doloreux tort,
Par offenser et prendre autruy demaine.
Que vault piper, flater, rire en tra(h)yson,
Quester, mentir, affermer sans fiance,
Farcer, tromper, artifier poison,
Vivre en peché, dormir en deffiance
De son prouchain sans avoir confience ?
Pour ce conclus : de bien faisons effort,
Reprenons cueur, ayons en Dieu confort.
Nous n’avons jour certain en la sepmaine ;
De noz maulx ont noz parens le ressort,
