Cette page n’a pas encore été corrigée
Je suis jà à la grosse alaine,
Par mon serment, tant ay soufflé.
LE FONDEUR.
Holà, ho, tout est formé.
Ilz ne sont borgnes ne camus.
Chantez Te Deum laudamus.
Voicy voz marys beaulx et gent.
JENNETTE.
Par mon serment ilz sont jolys ;
Je ne vouldroye pour grant chose
Qu’il fust à faire.
LE FONDEUR.
Je supose
Que j’ai hien gaigné mon sallaire.
Mais qu’il ne vous vueille desplaire,
Chascun recongnoisse le sien.
JE.NNETTE.
Je cuide que voici le mien.
Avez-vous point a nom Thibault ?
THBAULT.
Ouy vrayement, hardys et baus,
Qui estoyes dous et courtoys,
Et vous estes ma mesnagière.
Mais il fauldroit changer manière ;
Je veulx gouverner à mon tour.
PERNETTE.
Mon amy, Dien vous doint bonjour.
Estes-vous point maistre Collart ?
COLLART.
Ou y vrayement franc et gaillart.